Lovequeen

لكل بنت


    ماسك لتفتيح الركبتين والكوع

    شاطر
    avatar
    lovequeen

    المساهمات : 51
    تاريخ التسجيل : 15/01/2011

    ماسك لتفتيح الركبتين والكوع

    مُساهمة  lovequeen في الثلاثاء يناير 18, 2011 8:47 am

    حبايب هارتي شوفت النهاردة وصفة لتفتيح الكوع والركبتين
    وكمان توحيد لون الجسم قولت بقي عاوزة اجربهم
    بس محتاجة حد يشجعني
    يالا مع بعضيشنا
    كده نقول
    الماسك الاول



    ده يابنات لتفتيح الكوع والركبتين العسولتين
    رجاءا من صاحبات البشرة الحساسة عدم استعمال الجنزبيل


    1-ملعقة كبيرة زنجبيل مطحون
    2-عصير ليمونة ونص
    3-ملعقة ملح ناعم


    تمام كده المكونات ياكتكوتة انتي وهيا؟


    نخلط بقي كل الحاجات دي زي الشطاطير كده لغاية ما تتماسك مع بعضها
    وبعدين نحطها علي الركبتين والكوعين
    بس نبقي واخدين الشاور المتين الاول
    عشان الجسم يبقي اشطة جدا نحط الماسك بقي لمدة 20 او 30 دقيقة او لغاية ما البشرة تتشربه وينشف خالص
    بعد كده نشطف البشرة كويس جدا
    وطبعا اكيد بما انكو شطاطير عارفين ان الماسك ده جامد علي البشرة
    فلازم نرطب
    هنرطب بايييييييييييييه
    شطار برافووو
    بزيت اللوز الحلوووووو ياحلووو
    بالاضافة ان زيت اللوز الحلو بيرطب فهو كمان بيفتح البشرة وينعمها
    الماسك ده هنعمله يوميا لمدة شهر وبعدين مرتين بس في الاسبوع


    الماسك التاني لتوحيد لون الجسم



    المكونات
    صابونة عادية متوسطة مبشورة
    فنجان ماية ورد
    نص كوب عصير ليمون
    ملعقة كبيرة زيت زيتون
    ملعقة كبيرة زيت لوز حلو
    ملعقة كبيرة نشا
    بشر ليمونة


    اوكيشن؟
    تمام كده اتفقنا عالمكونات نيجي بقي للطريقة
    هنسخن ماية الورد علي النار ونضيف عليها الصابون المبشور ونقلب لغاية ما الصابون يسيح خالص ويندمج كويس اوي مع ماية الورد اتفقنا؟؟؟ نضيف بقي الليمون هنلاقي الخليط مبقاش متماسك وكمان بيتقطع مش عاوزة واحدة فيكم تتخض لا عادي
    نكمل ونقلب الليمون شوية وبعدين نضيف زيت الزيتون وزيت اللوز الحلو ونضيف النشا بس بالتدريج عشان ايه متكلكعش
    وبعدين نضيف بشر الليمون ونفضل نقلب الخليط كله
    لغاية مايندمج كله مع بعضه اوكيشن؟
    ناخد الخليط ونحطه في برطمان زجاج ونغطيه طبعا ونشيله لمدة يوم في التلاجة
    ونيجي تاني يوم ناخد شاور وونفرك جسمنا بالليفة العادية او المغربية عشان نفتح مسام الجسم
    وبعدين ندهن بالصابون اللي عملناه جسمنا كله ونسيبه 20 دقيقة
    وبعدين نشطف جسمنا
    الماسك ده ياعساسيل هنستخدمه يوميا لمدة شهر
    وهتلاقي ان شاء الله الاماكن الغامقة الوحشة دي افتحت واتوحد لون الجسم
    هنلاقي اجوازنا لما يشوفونا يبقو عاملين كده
    وامواااااااااااااااااااه كبيرة للي هترد علي الموضوع


    واللي مش هترد مش اموووووووواه

      الوقت/التاريخ الآن هو الثلاثاء أكتوبر 24, 2017 3:43 am